Aqmolalyq polıtseıler 10 jasar qyzdy izdestirýde
ASTANA. 10 tamyz. QazAqparat - Aqmola oblysynyń polıtseıleri 10 jasar qyz balany izdestirýde, dep habarlady oblystyq ІІD-niń baspasóz qyzmetinen.
Beısenbi, 9 tamyz kúni shamamen saǵat 13:00-de Aqmola oblystyq aýrýhanasynan Makınsk qalasynda turatyn 10 jastaǵy Lýıza Ábýzeıtqyzy Laptıeva ketip qaldy.
Qyz bala aýrýhanaǵa aǵymdaǵy jyldyń 7 tamyzynda «bel jaǵyndaǵy keýde skolıozy» dıagnozymen jatqyzyldy.
Aýrýhanadan keterde qyz bala: «Ata-anamdy saǵyndym. Úıge ketkim keledi» dep jazylǵan hatty qaldyryp ketti. Alaıda Lýıza úıine oralǵan joq.
Belgileri: boıy 140 sm, shashy uzyn, qara. Aq brıdjı, qyzǵylt sary tústi jeńil jeıde, aq shárkeı kıingen.
Qazirgi ýaqytta polıtseıler vokzal aýmaǵyn tekserip, avtobýstar men taksı júrgizýshilerin surastyrdy. Qyz balany izdeý sharalary jalǵasýda.
