Aqmolalyq paýerlıfter Azııa chempıony atandy
KÓKShETAÝ. QazAqparat - Aqmolalyq sportshy Mońǵolııada ótip jatqan paýerlıftıngten Azııa chempıonatynda top jardy, dep habarlaıdy QazAqparat tilshisi.
Aqmola oblysynyń dene shanyqtyrý jáne sport basqarmasynyń deregi boıynsha Ulanbatyr qalasynda ótip jatqan chempıonatqa Azııanyń 20 elinen jınalǵan kileń myqty sportshylary qatysyp, baq synaýda. Ulttyq qurama sapynda bolǵan aqmolalyq Vıktor Tımorskıı úsh saıys qorytyndysy boıynsha Azııa chempıony atandy. Jerlesimiz 93 salmaqtaǵylar arasynda otyryp-turý ádisi boıynsha 2-shi, al jatyp kóterý ádisi boıynsha 3-shi jáne tartý ádisi boıynsha 1-shi nátıje kórsetti.
Sonymen qatar, 52 keli salmaqta synǵa túsken Alena Solopova ekinshi orynnan kórindi.
Jerlesterimiz Aqmola oblystyq joǵary sporttyq sheberlik mektebinde jáne Kókshetaýdaǵy «Býrabaı» balalar men jasóspirimderdiń sport mektebinde QR eńbegi sińgen jattyqtyrýshylary Andreı Shalıapın jáne Evgenıı Evdokımovtiń jetekshiligimen jattyǵady.
Eske sala keteıik, Mońǵolııada ótip jatqan paýerlıftıngten Azııa chempıonatynyń alǵashqy kúni aqmolalyq paýerlıfterler bir altyn jáne eki qola medal enshilgen edi.
