Aqmolalyq paralımpıadashy-paýerlıfter Álem kýbogynda «kúmis» enshiledi
KÓKShETAÝ. QazAqparat - Aqmolalyq paralımpıadashy-paýerlıfter Davıd Degtıarev Álem kýbogynda kúmis júldeger atandy, dep habarlaıdy QazAqparat tilshisi.
Aqmola oblysynyń dene shynyqtyrý jáne sport basqarmasy baspasóz qyzmetiniń málimeti boıynsha Dýbaı qalasynda múmkindigi shekteýli sportshylar arasynda paýerlıftıngten Álem kýbogy ótti.
Jarysqa ár elden kelgen múmkindigi shekteýli sportshylar qatysty. Onyń ishinde básekeniń úshinshi kúni ulttyq quramanyń sapynda bolǵan atbasarlyq Davıd Degtıarev 54 keli salmaqta kúmis júldeger atandy. Halyqaralyq dárejedegi sport sheberi alǵashqysynda 143 kelini baǵyndyrsa, ekinshi múmkindiginde 147 kelini ońaı kóterdi.
Aıta keteıik, jerlesimiz múmkindigi shekteýli adamdarǵa arnalǵan «Mergen» sport klýbynda tájirıbeli tálimger ıÝrıı Kolesnıkovtyń jetekshiligimen jattyǵady.
Jaqynda Davıd aǵymdaǵy jyldyń qazan aıynda Indonezııanyń Djakarta qalasynda ótetin Para Azııa oıyndaryna daıyndyǵyn bastamaq.
