Aqmolalyq palýan qyzdar respýblıkalyq týrnırde top jardy
KÓKShETAÝ. QazAqparat – Aqmola oblysynyń palýan qyzdary kúresten respýblıkalyq týrnırde top jardy. Jerlesterimiz eki altyn, eki kúmis jáne eki qol medal ıelendi, dep habarlaıdy QazAqparat tilshisi oblystyq dene shynyqtyrý jáne sport basqarmasyna silteme jasap.
Vedomstvonyń málimetinshe, Qaraǵandy qalasynda grek-rım, erkin jáne áıelder kúresinen Sovet odaǵynyń batyry Núrken Ábdirovtyń qurmetine respýblıkalyq týrnır ótti.
«Tatamıge Nur-Sultan, Almaty, Shymkent qalalary men Aqmola, Almaty, Aqtóbe, Atyraý, Jambyl, Shyǵys-Qazaqstan, Batys Qazaqstan, Qostanaı, Qyzylorda Mańǵystaý, Pavlodar, Túrkistan, Qaraǵandy oblystarynan barǵan 200 sportshy qatysty. Olardyń arasynda halyqaralq, respýblıkalyq deńgeıdegi sport sheberleri bar.
Jerlesterimizdiń arasynda Marına Zýeva jáne Irına Kýznetsova chempıon atansa, Albına Qaıyrgeldınova men Aleksandra Zaıtseva ekinshi Ellada Mahıaddınova men Aına Temirtasova úshinshi oryn aldy», - deıdi Aqmola oblystyq dene shynyqtyrý jáne sport basqarmasynyń baspasóz hatshysy Mahabbat Bolshına.
