Aqmolalyq palýan qyzdar búkilreseılik týrnırde júldeger atandy
KÓKShETAÝ. QazAqparat - Aqmolalyq palýan qyzdar Dmıtrıı Mındıashvılı atyndaǵy kúres akademııasynyń júldesi úshin ótken búkilreseılik ashyq týrnırde úsh medalǵa qol jetkizdi, dep habarlaıdy QazAqparat tilshisi.
Oblystyq dene shynyqtyrý jáne sport basqarmasy baspasóz qyzmetiniń deregi boıynsha Krasnoıarsk qalasynda erkin jáne áıelder kúresinen ótken baıraqty jarysqa Reseı, AQSh, Fınlıandııa, Qyrǵyzstan, Mońǵolııa, Qytaı jáne Qazaqstan tárizdi 10 elden jınalǵan 500 sportshy qatysty.
Áıelder arasynda Qazaqstan quramasy sapynda bolǵan aqmolalyq qyzdardyń baǵy jandy. Onyń ishinde 76 jáne 57 keli salmaqtarda Valerııa Aksenova men Irına Kýznetsova ekinshi orynnan kórinse, 65 keli salmaqta Albına Qaıyrgeldınova úshinshi oryndv enshiledi.
Aıta ketý kerek, bul sportshylardy Bógenbaı atyndaǵy sporttaǵy daryndy balalarǵa arnalǵan oblystyq mektep ınternatynda Ádil Tájenov, Evgenıı Sýdeıkın jáne Aıdar Shaıdýlın jattyqtyrady.
