Aqmolalyq palýan halyqaralyq týrnırde kúmis júldeger atandy
KÓKShETAÝ. QazAqparat- Aqmolalyq palýan Aleksandr Kýmbrıdı Qyrǵyzstan Respýblıkasynda kadetter arasynda ótken erkin kúresten 8-shi halyqaralyq týrnırde kúmis júldeger atandy, dep habarlaıdy QazAqparat tilshisi oblystyq dene shynyqtyrý jáne sport basqarmasynyń baspasóz qyzmetine silteme jasap.
Vedomstvonyń málimeti boıynsha, týrnır Qyrǵyzstannyń Qara-Balta qalasyndaǵy «Manas» sport kesheninde ótti.
KSRO-nyń sport sheberi Myrsabek Qurmanálıevtiń qurmetine arnalǵan jarysqa Qazaqstan, Ózbekstan, Tájikstan jáne Qyrǵyzstannan kelgen 1 300 sportshy qatysty.
Onyń ishinde ulttyq qurama sapynda bolǵan aqmolalyq jas palýan Aleksandr Kýmbrıdı 35 keli salmaqtaǵylar arasynda Bishkek palýanyna jol berip, júldeli ekinshi oryn aldy.
Aleksandrdiń jattyqtyrýshysy atap ótkendeı, bul salmaqta barlyǵy 116 palýan beldesken.
Aslan Ospanov.
