Aqmolalyq palýan belbeý kúresinen Qazaqstan chempıony atandy
KÓKShETAÝ. QazAqparat - Aqmolalyq palýandar belbeý kúresinen Qazaqstan Respýblıkasynyń chempıonatynda úzdik nátıje kórsetti. Jerlesterimiz altyn jáne qola júldeger atandy, dep habarlaıdy QazAqparat tilshisi oblystyq dene shynyqtyrý jáne sport basqarmasynyń baspasóz qyzmetine silteme jasap.
Vedomstvonyń málimetinshe, Almaty qalasynda 23 jasqa deıingi jastar arasynda belbeý kúresinen QR Chempıonaty ótti. Qatysýshylar sheberlikterin shyńdap, tájirıbe jınaqtady.
«Belbeý kúresi – ejelgi kúres túri. Sportshylar jekpe-jek kezinde bir-birin belbeýden ustap, beldesedi jáne árqaısysy óz qarsylasyn jyǵýǵa, jeńýge tyrysady. Jyldamdyǵy, eptiligi jáne fızıkalyq daıyndyǵy myqty palýan ǵana jeńiske jete alady. Aqmola oblysynyń palýandary qarsylastarynyń myqtylyǵyna qaramastan, joǵary nátıje kórsetti. Onyń ishinde 68 keli salmaqta boz kilemge shyqqan Qýanbek Aslan Qazaqstan Respýblıkasynyń chempıony atansa, Esmuhambet Serik qola júldege qol jetkizdi», - deıdi Aqmola oblysynyń dene shynyqtyrý jáne sport basqarmasynyń baspasóz hatshysy Mahabbat Bolshına.
