Aqmolalyq óz aqshasyna Ýəlı han mazaryn abattandyryp jatyr
Mazar Zerendi aýdanyndaǵy Qazaqstan aýylynyń ońtústik-shyǵys jaq tusynda ornalasqan. 2008 jyly Ýəlı hannyń 270 jyldyǵyna oraı turǵyzylǵan. Eskertkish qyzyl kirpishten tórt buryshty etip qalanǵan. Tóbesine jarty aıy bar kúmbez ornalastyrylǵan. Eskertkishtiń jalpy aýmaǵy 1920 sharshy metr, qabyrǵalarynyń bıiktigi 8 metrdi quraıdy.
Mundaǵy bir erekshelik ol Ýəlı hannyń ózge qazaq handary sııaqty Túrkistanda emes, týǵan jerinde jerlenýi bolyp otyr. Bul «Týǵan jer» baǵdarlamasy arqyly oblysta abattandyrylyp jatqan alǵashqy eskertkish.
«Elbasy maqalasynda kóterilgen Qazaqstannyń kıeli jerleriniń tizimin jasaý jobasy qazirgi kúni elimizdiń barlyq óńirlerinde qolǵa alynyp, osy baǵytta naqty jumystar atqarylýda. Onyń ishinde halyq úshin kıeli oryn bolyp sanalatyn jáne el tarıhynda eleýli oryn alatyn jádigerlerdi anyqtap, solar jaıynda jan-jaqty málimetter jınaý, jurtshylyqqa ony keńinen tanystyrý bar. Ýəlı hannyń mazaryn abattandyrý da sol aýqymdy sharalardyń basy ǵana. Aldaǵy ýaqytta ózge de tarıhı tulǵalardyń zıratyn qalpyna keltiretin bolamyz», - deıdi Aqmola oblysynyń «Tarıhı-mádenı murany qorǵaý jáne paıdalaný ortalyǵy» MKM-niń dırektordyń mindetin atqarýshy Qýanysh Shaqshaqov.
Eskertkishttiń jańǵyrtý jumystaryna Borıs Kozlov basqaratyn «Azııa-Agrohım» JShS demeýshilik kómek retinde 6,5 mıllıon teńge qarjy bólgen. Oǵan eskertkishtiń aýmaǵy qorshalyp, beder tastar tóselýde. Sonymen qatar, hannyń basyna minəjət etýshiler men týrıster úshin oryndyqtar ornatylyp, aǵash kóshetterin otyrǵyzý josparda bar. 
