Aqmolalyq órt sóndirýshiler Jambylda jarylystan qaza tapqandardy eske aldy
KÓKShETAÝ. QazAqparat - Aqmolalyq órt sóndirýshiler bir mınýt únsizdikpen Jambyl oblysynda jarylys kezinde qaza tapqan órt sóndirýshilerdi eske aldy, dep habarlaıdy QazAqparat tilshisi.
Eske sala keteıik, bıylǵy tamyzdyń 26-da keshkilik ýaqytta Jambyl oblysynyń áskerı bólimindegi qoımalardyń birinde jarylys bolyp, 14 adam qaza tapty. 98 adam zardap shekken bolatyn. Joǵalǵandardy izdeý jalǵasyp jatyr.
Osyǵan baılanysty QR Prezıdenti Qasym-Jomart Toqaev 29 tamyzdy Jalpyulttyq aza tutý kúni dep jarııalady.
Qaza bolǵandardyń arasynda azamattyq qorǵaý organdarynyń qyzmetkerleri bar:
Temirbolatov Arnur Serikuly. Jambyl oblysy TJD «ÓSjAQJQ» MM Taraz qalasy 3-ÓSB órt sóndirýshi-qutqarýshysy;
Sandybaev Eldos Qadyrbaıuly. Jambyl oblysy TJD «ÓSjAQJQ» MM Taraz qalasy 3-ÓSB aǵa-órt sóndirýshi-qutqarýshysy;
Mıkropýlo Aleksandr Nıkolaevıch - jedel kezekshi – Jambyl oblysy TJD «ÓSjAQJQ» MM Órt sóndirý basshysynyń orynbasary;
Tórebekov Táńirbergen Qudaıbergenuly Jambyl oblysy TJD «ÓSjAQJQ» MM Taraz q. 1-MÓSB aǵa-órt sóndirýshi-qutqarýshysy;
Aımanov Meıirjan Kakposynuly. Jambyl oblysy TJD «ÓSjAQJQ» MM bastyǵynyń orynbasary.
Aqmola oblysynyń azamattyq qorǵaý garnızony qaza tapqan órt sóndirýshilerdiń týystary men jaqyndarynyń qaıǵysyna ortaqtasady.
