Aqmolalyq oqýshylardyń jobasy Polshada úzdik dep tanyldy
KÓKShETAÝ. QazAqparat - Aqmolalyq oqýshylar usynǵan jobalar halyqaralyq ǵylymı-praktıkalyq konferentsııada eń úzdik tanyldy, dep habarlaıdy «QazAqparat» HAA tilshisi óńirlik kommýnıkatsııalar qyzmetine silteme jasap.
Polshanyń astanasy Varshava qalasynda ótken «Qazaqstan - Polsha - Nıderlandy» ǵylymı-praktıkalyq konferentsııasyna Aqmola oblysynyń Esil aýdanyndaǵy balalar úıiniń tárbıelenýshileri 11 synyp oqýshysy Nıkolaı Şerbakov pen 9 synyp oqýshysy Vıtalıı Tarasov qatysty.
Nıkolaı Şerbakov mektep oqýshylarynyń densaýlyǵyn saqtaýdaǵy problema jáne «Bı - bul ómir» jobasy arqyly bıdiń ár bir bala úshin mańyzdy ekenin dáleldep, birinshi oryndy jeńip aldy. Nıkolaı ózi breık-dans bıleýmen aınalysady. Jobaǵa Regına Kıreeva jetekshilik etip otyr.
Al, Vıtalıı Tarasov saýsaqtardaǵy papıllıarly teri syzyqtary men adamnyń minez-qulqy jáne múmkindikteri arasyndaǵy ózara baılanysty anyqtaý boıynsha jobasyn usyndy. Joba jetekshisi - Marına Bondareva.
Konferentsıııa aıasynda pedagogtarǵa áleýmettik ǵylymdardyń Polsha akademııasy ókilderimen kezdesý uıymdastyryldy. Onda qatysýshylar Eýropadaǵy joǵary jáne orta bilim alý erekshelikterimen tanysty.
«Halyqaralyq konferentsııada elimizdiń abyroıyn qorǵap, alǵashqy orynnan kóringenime qatty rızamyn. Ustazdarymen men osy baıqaýǵa qatysýǵa qol ushyn sozǵan adamdarǵa alǵysym sheksiz», deı kele, Nıkolaı Şerbakov Varshavanyń eń ásem jerlerine jasaǵan saıahatymen bólisti.
Konferentsııany uıymdastyrýǵa áriptestik tanytqan Aqtóbe qalasyndaǵy ekologııa jáne ınjenerııa kishi ǵylym akademııasy.
