Aqmolalyq oqýshylardyń 96,2 paıyzy jeli arqyly oqýyna múmkindigi bar

KÓKShETAÝ. QazAqparat – Aldaǵy oqý jylyna daıyndyq retinde oblystaǵy mektepterde bar 16166 dana kompter tehnıkasyna qosymsha taǵy 1460 kompıýter satyp alyndy. Alda taǵy 352 kompıýter satyp alý josparlanǵan, dep habarlaıdy QazAqparat tilshisi Aqmola oblystyq ishki saıasat basqarmasyna silteme jasap.

Oblystyq bilim basqarmasynyń deregi boıynsha, oblystaǵy barlyǵy 132 myń oqýshynyń ishinde 2676-niń noýtbýk jáne smartfony joq. Olar oqıtyn mektepter kompıýter, noýtbýk jáne planshetpen qamtamasyz etiledi.

«Barlyq mektepter keń jolaqty ınternet jelisine qosyldy. Bilim mınıstrliginiń usynymy boıynsha onyń jartysynyń jyldamdyǵy 8 Mbıt/sek. Biz «Qazaqtelekom AQ birlesip, keńjolaqty ınternet jelisine qosylǵan mektepterdiń sanyn arttyrý boıynsha jumystar júrgizýdemiz. Aldaǵy ýaqytta jalpy bilim beretin 35 mektep bekitilgen normatıvke qol jetkizedi. Qashyqtan oqytý úshin búgingi kúni barlyq mektepter qol jetkizip otyrǵan «Bilimland» bilim berý platformasy jáne «Kundelik» aqparattyq júıesi qoldanylady», - deıdi oblystyq bilim basqarmasynyń basshysy Beıbit Júsipov.

Óńirde oqýshylardyń ınternetke jeke qol jetkizý máselesi sheshildi. Oqýshylardyń 96,2 paıyzy jeli arqyly bilim alýyna múmkindigi bar. Al qalǵandaryna Beeline, Tele 2, Activ-tiń mobıldi ınternet bar flesh-karta usynylady. Ol úshin uıaly baılanys operatorlarynan «Bilim» tarıfi bar flesh-karta satyp alynýda.

Shalǵaıdaǵy, ekologııalyq jaǵdaıy durys eldi-mekenderdegi oqýshylar sanıtarlyq talaptardy qatań saqtaı otyryp, shtatty rejımde oqı beredi. Bul barlyq oqýshylardyń 7 paıyzy.

Jalpy, oblysta kúndiz bilim beretin 555 jalpy bilim berý mekemesi jumys isteıdi.