Aqmolalyq oqýshylar Tıan-Shan taýynyń bıik shyńyn baǵyndyrdy
Oblystyq bilim basqarmasy baspasóz qyzmetiniń málimeti boıynsha, qarasha aıynyń sońynda Aqkól qalasynyń áskerı-patrıottyq klýbynyń «Edelveıs» komandasy «AKMOLIADA» ekspedıtsııasy aıasynda Almaty qalasyna atanǵan bolatyn. Ekspedıtsııa Soltústik Tıan-Shan taýyna saıahat jasap, bıiktigi 4 010 metr Abaı shyńyna shyqty.
Ekspedıtsııa «Rýhanı jańǵyrý» baǵdarlamasy sheńberinde «Azııa jeli» jobasy boıynsha jasaqtaldy. Onyń jetekshisi Aleksandr Kazachenko bolsa, qatysýshylary Vıktor Shachnev jáne «Týrıst» balalar shyǵarmashylyq úıi stýdııasynyń tárbıelenýshisi Anna Halezına.
«Ekspedıtsııa alǵashqy kúni «Medeý» muz aıdyny, «Shymbulaq» taý shańǵysy bazasy, Talǵar asýy, Saýryqsaı shatqaly, Bogdanovıch muzdyǵynan ótip, Tıan-Shan taýynyń soltústik-batys jotasy arqyly Abaı shyńyna bet aldy. Sol kúni aýa raıynyń jaısyz bolǵandyqtan ekspedıtsııa shatyr tigip, taýda qonýǵa májbúr boldy. Tańerteń kúnniń ashylǵannyn kútken ekspedıtsııa saparyn jalǵastyryp, atalmysh shyńnyń basyna jetti. Osy jerde («Akmolıada» Kókshetaý-Aqkól)» dep jazýmen estelik kók lenta baılanǵan qazyqty ornatty», dep atap ótti Aleksandr Kazachenko.
Sonymen qatar, ekspedıtsııa músheleri Almaty qalasyndaǵy Mánshúk Mámetova men Álııa Moldaǵulovanyń eskertkishteri jáne 28 panfılovshylar parkindegi Dańq memorıalynyń Máńgilik alaýyna gúl shoqtaryn qoıdy. Dańqty batyr Baýyrjan Momyshulynyń eskertkishi sııaqty ońtústik astananyń tarıhı oryndarynda boldy.
