Aqmolalyq oqýshylar respýblıkalyq baıqaýda júldeger atandy
KÓKShETAÝ. QazAqparat - Aqmola oblysynyń oqýshylary Taldyqorǵan qalasynda ótken «Uly ónertapqyshtyqqa alǵashqy qadam» atty respýblıkalyq ınnovatsııalyq ıdeıalar baıqaýyna qatysty, dep habarlaıdy QazAqparat tilshisi.
Aqmola oblystyq bilim basqarmasynyń málimetinshe, baıqaý 28 qazan men 1 qarasha aralyǵynda ótti.
«Baıqaý qorytyndysyna saı Arshaly aýylyndaǵy №2 orta mekteptiń oqýshysy Maksım Grıtsko «Avtokóliktiń qoldanystaǵy modelin jasaý salasyndaǵy tehnıkalyq qurastyrý» atalymy boıynsha júldeli 3-oryn aldy. Sonymen qatar, Bektaý aýyldyq orta mektebiniń oqýshysy Nurbolat Rýslan da «Qurylys salasyndaǵy joba» atalymy boıynsha 3-orynnan kórindi», - deıdi Aqmola oblystyq bilim basqarmasynyń baspasóz qyzmeti.
