Aqmolalyq oqýshylar Qazaqstan halqynyń ánderin oryndaýdan saıysty

KÓKShETAÝ. QazAqparat - Kókshetaýda QR Táýelsizdiginiń 25 jyldyǵyna arnalǵan «Meniń Qazaqstanym» án baıqaýy ótti, dep habarlaıdy «QazAqparat» HAA tilshisi «Qoǵamdyq kelisim» KMM -niń baspasóz qyzmetine silteme jasap.

Baıqaý baǵdarlamasyna saı Qazaqstanda turatyn túrli ulttardyń halyqtyq ánderi oryndaldy.

Qatysýshylarǵa «Aqmola oblysynyń orys qoǵamy» QB tóraǵasy Aleksandr Artemenko, Qazaqstan halqy Aqmola assambleıasy hatshylyǵynyń meńgerýshisi Maral Jaqypova, Qazaqstan halqy Aqmola assambleıasy janyndaǵy Analar keńesiniń múshesi Olga Zemskova, Kókshetaý qalasynyń Balalar mýzykalyq mektebiniń oqytýshysy Sáýle Kókisheva jáne «Aqmola oblysynyń orys qoǵamy» QB án stýdııasynyń jetekshisi Iraıda Permıakova qazylyq etti.

Qazylar alqasynyń sheshimimen «Týǵan jer» ánin naqyshyna keltirip oryndaǵan Kókshetaý qalalyq №2-orta mekteptiń oqýshysy, toǵyz jastaǵy Darııa Saparova bas júldeger atandy.

Birinshi oryn «Assalaýmaǵaleıkým!» ánin keremet shyrqaǵan №14-orta mekteptiń oqýshysy Jasulan Álibı men «Týǵan jer» ánin oryndaǵan №13-mekteptiń oqýshysy Venera Shaketovaǵa berildi. Baıqaýdyń ekinshi júldeli ornyna №11-orta mekteptiń oqýshysy Vera Rojkovaǵa men №2-mekteptiń oqýshysy Daryn Baqytkeldi laıyq dep tanyldy. Al №13-orta mekteptiń «Juldyz» trıosy jáne №4-mekteptiń «Samuryq» kvınteti shyǵarmashylyq baıqaýdyń úshinshi ornyna ıe boldy. Sonymen qatar Vıktorııa Grýdına jáne Dana Amanjolovanyń joǵary dárejede oryndalǵan ánderin aıtyp ótken jón.

Án baıqaýynyń barlyq qatysýshylary dıplomdarmen jáne baǵaly syılyqtarmen marapattaldy.

«Qoǵamdyq kelisim» KMM-niń qoldaýymen jáne «Aqmola oblysynyń orys qoǵamy» qoǵamdyq birlestiginiń uıymdastyrýymen ótken sharanyń maqsaty - jas daryndardy anyqtaý, balalar men jasóspirimderdiń shyǵarmashylyǵyn qoldaý, Aqmola oblysynda turatyn barlyq etnostardyń ulttyq mádenıeti men tilin damytý, olardy qaıta órkendetý, ultaralyq kelisim men toleranttyq qatynasty nasıhattaý jáne dostyqty nyǵaıtý.