Aqmolalyq oqýshylar halyqaralyq baıqaýda júldeger atandy
KÓKShETAÝ. QazAqparat - Ońtústik Qazaqstan oblysynyń Túrkistan qalasynda 6-11 synyp oqýshylary arasynda ótken «ıAsaýıtaný» halyqaralyq baıqaýynda aqmolalyq mektep oqýshylary jeńimpaz atanyp, aqshalaı júldege ıe boldy, dep habarlaıdy QazAqparat tilishisi.
Oblystyq bilim basqarmasy baspasóz qyzmetiniń málimeti boıynsha baıqaýdyń birinshi kezeńinde qatysýshylar hıkmetterdi esh múdirmeı jatqa aıtýdan synǵa tústi. Ekinshi kezeńde Qazaq handyǵynyń tarıhyna, Qoja Ahmet ıAsaýı babamyzǵa, «Áziret Sultan» mýzeıine qarasty tarıhı eskertkishter men jádigerlerge qatysty suraqtarǵa jaýap berdi. «ıAsaýıtaný» baıqaýynyń eki kezeń qorytyndysy boıynsha jerlesimiz Tselınograd aýdanyndaǵy Qoıandy orta mektebiniń 10 synyp oqýshysy Oqa Janat 1-shi orynnan kórinip, 100 myń teńgeniń aqshalaı sertıfıkatymen marapattaldy. Al Býrabaı aýdany Atameken aýylynyń 10 synyp oqýshysy Dáýlethan Dilnár 3-shi orynǵa laıyq dep tanyldy. Ol da 50 myń teńgeniń sertıfıkatyna ıe boldy.
Sonymen qatar, Kókshetaý qalasy № 3 oblystyq daryndy balalarǵa arnalǵan mamandandyrylǵan mektep ınternatynyń 11 synyp oqýshysy Ryspekova Aıjan yntalandyrý syılyǵy retinde 20 myń teńgeniń júldesin ıelendi.
