Aqmolalyq oqýshylar arasynda Táýelsizdiktiń 30 jylyndaǵy jetistikter týraly pikirsaıys ótti
Shortandy aýdany Bektaý aýylynyń jalpy bilim beretin orta mektebinde «Sóz mergen» debat klýbynyń músheleriniń qatysýymen ótken pikirsaıys Qazaqstan Respýblıkasy Táýelsizdiginiń 30 jyldyǵyna arnaldy.
Shara sheshendik óner salasynda jas urpaqtyń ózindik kóz qarasyn qalyptastyra otyryp, qoǵamǵa degen jalpy pikirin ashyq aıtýǵa baýlý jáne top aldynda sheshen sóıleý ádebin qalyptastyrýǵa baǵyttalǵan. Pikir saıys uıymdastyra otyryp óz tobynyń qyzyǵýshylyǵyn naqty argýmentermen qorǵaı alatyn bilimdi jáne saýatty jastar qalyptastyrý.
Pikir saıys eki toptyń qatysýymen ótkizildi. Onyń ishinde «Jalyn» tobynda Ardaq Ámish jáne Rýslan Nurbolat bolsa, «Alaý» tobynda Darıǵa Ádııat men Dýman Aldan óz oı pikirlerin ortaǵa saldy. Pikir saıystyń uıymdastyrýshy qazaq tili men ádebıet pániniń muǵalimi Erbol Mádenıet jeńimpaz «Jalyn» tobynyń múshelerin quttyqtap, marapattady.
