Aqmolalyq oqýshy respýblıkalyq baıqaýdyń jeńimpazy atandy
KÓKShETAÝ.QazAqparat - Almaty qalasynda ótken «Biz Qazaqstannyń keleshegimiz» atty respýblıkalyq ǵylymı-təjirıbelik konferentsııada aqmolalyq mektep oqýshysy jeńimpaz atandy, dep habarlaıdy QazAqparat tilshisi.
Oblystyq bilim basqarmasynyń málimeti boıynsha, Aqtóbe qalasyndaǵy ekologııa, ınjenerııa jáne pedagogıka halyqaralyq ǵylym akademııasy uıymdastyrǵan sharaǵa elimizdiń ər óńirinen jınalǵan 110 jýyq talantty jas ǵalymdar qatysyp, 12 atalym boıynsha baq synady.
Onyń ishinde «Etnomədenıtaný» úıirmesi boıynsha Esil aýdanyndaǵy №2 balalar úıiniń tárbıelenýshisi Evgenııa Gaınýtdınova birinshi oryndy jeńip alsa, «Valeologııa» jəne «Bıologııa» úıirmeleri boıynsha synǵa túsken Esil aýdanyndaǵy №2 balalar úıiniń taǵy eki tərbıelenýshisi Nına Isına men Elena Maksımova ekinshi jəne úshinshi oryndardy ózara bólisti.
Evgenııa Gaınýtdınova Esildegi balalar úıinde qazaq tilinde bilim alady. Ol «Quraq quraý qııalǵa qanat bitirer» atty jobasyn sətti qorǵap shyqty.
«Maǵan Qazaqstanda 230 astam túrli qazaqtyń oıý-órnegi bar ekeni belgili. Osy sýret arqyly bizdiń ata-babalarymyz janýarlar men ósimdikter dúnıesi týraly maǵlumattar jetkizdi. Qazaqtyń oıýy maǵan qatty unaıdy. Sol sebepti «Quraq quraý qııalǵa qanat bitirer» jobasyn tańdadym», - dedi Evgenııa Gaınýtdınova.
