Aqmolalyq múmkindigi shekteýli sportshylar ústel tennısinen el chempıony atandy
KÓKShETAÝ. QazAqparat - Aqmola oblysynda múmkindigi shekteýli sportshylar ústel tennısinen Qazaqstan chempıony atandy, dep habarlaıdy QazAqparat tilshisi.
Aqmola oblysynyń dene shynyqtyrý jáne sport basqarmasynyń baspasóz hatshysy Mahabbat Bolshınanyń málimeti boıynsha, Petropavl qalasynda tirek-qımyl apparatynda kemistigi bar sportshylar ústel tennısinen el chempıonaty ótti. Oǵan elimizdiń 14 óńirinen jınalǵan 130 sportshy qatysyp, baq synady. Qatysýshylar bes kún boıy 10 klass boıynsha kúsh synasty.
«Onyń ishinde Aqmola quramasy atynan qatysqan stepnogorlik Natalıa Kýrdıýkova jekeleı esepte chempıon atansa, komandalyqta kókshetaýlyq Qymbat Dosmaǵambetovamen jup quryp ekinshi ret chempıon atandy.
Sondaı-aq, atbasarlyq Qaırat Tastemirov pen stepnogorlik Vladımır Ivanov juby ekinshi, al, kókshetaýlyq Rınat Agrýsev, kókshetaýlyq Qymbat Dosmaǵambetova jáne stepnogorlik Vladımır Ivanov úshinshi oryn ıelendi.
«Jalpy, komandalyq esepte Aqmola oblysynyń quramasy jetinshi orynǵa turaqtady», - dep túsindirdi M.Bolshına.
