Aqmolalyq «Mereıli otbasy» baıqaýynyń jeńimpazdary marapattaldy
KÓKShETAÝ. QazAqparat - Aqmola oblysynda «Mereıli otbasy» baıqaýynyń jeńimpazdary marapattaldy, dep habarlaıdy QazAqparat tilshisi oblystyq ishki saıasat basqarmasyna silteme jasap.
Bul joly baıqaýǵa aýdandyq jáne qalalyq kezeńderden ótken 26 otbasy qatysqan. Onyń ishinde oblystyq deńgeıge 6 otbasy iriktelip, júldeli oryndardy ıelengen. Atap aıtqanda, 1-shi oryndy Býrabaı aýdanynan Qalmaǵanbetovter otbasy jáne Zerendi aýdanynan Nasıbýlınder otbasy ózara bólisse, 2-shi orynǵa Sandyqtaý aýdanynan Eremınder otbasy laıyq dep tanyldy. Al Bulandy aýdanynan kelgen Malıkovter januıasy 3-shi oryndy enshiledi.
Sondaı-aq, baıqaýǵa qatysqandary úshin Jaqsy aýdanynan Eshimovter otbasy men Stepnogorsk qalasynan kelgen Ábilovter otbasy yntalandyrý syılyqtarymen marapattaldy.
«Tatý otbasynyń aıryqsha úlgisi bolyp otyrǵan sizderge zor densaýlyq, bereke-birlik, jaqsylyq tileımin», - dedi quttyqtaý sóz sóılegen Aqmola oblystyq ishki saıasat basqarmasynyń basshysy Gúljanar Shókeeva.
Aıta keteıik, bıylǵy jyldyń maýsym aıynda QR Prezıdenti janyndaǵy áıelder isteri jáne otbasylyq-demografııalyq saıasat jónindegi ulttyq komıssııasy birinshi oryn alǵan Qalmaǵanbetovter men Nasıbýlınder otbasylarynyń ishinen Gran-prı ıegerin tańdaıtyn bolady. Gran-prı ıegeri atanǵan otbasy aǵymdaǵy jyldyń qyrkúıek aıynda Astana qalasynda ótetin respýblıkalyq deńgeıdegi «Mereıli otbasy» baıqaýyna qatysady.
