Aqmolalyq qutqarýshylar jolǵa shyqpaýǵa shaqyrdy
KÓKShETAÝ. QazAqparat - Aqmola oblysynyń TJD qyzmetkerleri aýa raıyna baılanysty oblys turǵyndary men qonaqtaryna eldi mekenderden tys jerlerge shyqpaýǵa keńes berdi, dep habarlaıdy QazAqparat tilshisi vedomstvonyń baspasóz qyzmetine silteme jasap.
«Aýa raıynyń buzylýyna baılanysty naýryzdyń 23-de «Nur-Sultan-Şýche», «Nur-Sultan-Qabanbaı batyr-Kıevka-Temirtaý» avtojoldary jabyldy. Sondaı-aq, Birjan salý aýdany aýmaǵyndaǵy avtokóliktiń barlyq túriniń qozǵalysyna tyıym salyndy. Osyǵan baılanysty oblys turǵyndary men qonaqtaryna eldi mekenderden tys jerlerge shyqpaýǵa keńes beremiz», - deıdi Aqmola oblystyq TJD baspasóz qyzmetkerleri.
Sonymen qatar, qutqarýshylar atalmysh joldarda ondaǵan avtokólikterdiń qar qursaýynda qalǵanyn, olardy qutqarý jumystary júrgizilip jatqandyǵyn atap ótti.
Aıta keteıik, naýryzdyń 23-de saǵat 10:30-da aýa raıynyń nasharlaýyna baılanysty (kórinistiń shektelýi, boran, qardyń jaýý) respýblıkalyq mańyzy bar avtojoldyń «Nur-Sultan-Şýche» jáne «Nur-Sultan-Qabanbaı batyr-Kıevka-Temirtaý» avtojolynyń 32-51 km (Qabanbaı batyr aýylynan-Qaraǵandy oblysy shekarasy), «Ekaterınbor-Almaty» avtojolynyń 1291-1426 km (Nur-Sultan qalasynan-Temirtaý qalasyna deıin) aralyq ýchaskelerinde kóliktiń barlyq túrleri úshin qozǵalys shekteldi.
