Aqmolalyq qutqarýshylar Soltústik Qazaqstan oblysyna kómekke attandy
KÓKShETAÝ. QazAqparat - Aqmola oblysynyń TJD kúshteri men quraldary Soltústik Qazaqstan oblysyna yqtımal sý tasqyny bola qalǵan jaǵdaıda kómek kórsetý úshin attandy, dep habarlaıdy «QazAqparat» HAA tilshisi aýmaqtyq TJD baspasóz qyzmetine silteme jasap.
TJD málimeti QR ІІM TJK tóraǵasy Vladımır Bekkerdiń 2017 jylǵy 11 sáýirdegi ókimine səıkes Aqmola oblysynyń TJD «Órt sóndirý jáne apatty qutqarý jumystary» MM jáne «Jedel qutqarý otrıady» MM jeke quramyndaǵy 18 adam jáne 46 arnaıy tehnıkadan quralǵan jedel top jasaqtalyp, Soltústik Qazaqstan oblysyna kómekke attandy.
«Osy kúni soltústiktegi kórshi oblysta sý tasqynynyń qaýpi joǵary. Sol sebepti atalmysh jedel top yqtımal sý tasqyny bola qalǵan jaǵdaıda apatty-qutqarý jumystaryn qolǵa alatyn bolady», - dep kórsetilgen habarlamada.
