Aqmolalyq qutqarýshylar aýyr hálde jatqan múgedek zeınetkerdi aýrýhanaǵa jetkizdi
KÓKShETAÝ. QazAqparat – Aqmola oblysynda qutqarýshylar borannyń saldarynan joldy qar basyp, úıinen shyǵa almaǵan 63 jastaǵy zeınetkerdiń aýrýhanaǵa jetýine kómektesti, dep habarlaıdy QazAqparat tilshisi oblystyq TJD baspasóz qyzmetine silteme jasap.
Vedomstvonyń málimetinshe, naýryzdyń 6-da Zerendi aýylynyń órt sóndirý bóliminiń baı̆lanys pýnktine Uıaly kentinde 3 toptaǵy múgedek 1958 jylǵy er adamdy evakýatsııalaý jóninde habar tústi. Onda zeı̆netkerdiń óz betinshe qozǵala almaı̆tyndyǵy jáne jaǵdaı̆y aýyr ekendigi aı̆tyldy.
«Aýyldaǵy qatty borannyń saldarynan joldar jabylyp, jedel járdem kóligi zeı̆netkerge bara almady. Sol sebepti, qutqarýshylar dárigerlermen birge zeı̆netkerdi jol talǵamaıtyn «Trekol» avtokóligimen aýrýhanaǵa jetkizdi. Qazirgi kezde zeı̆netker aýrýhanada dárigerlerdiń baqylaýynda», - dedi vedomstvodan.
Aıta keteıik, Aqmola oblysynda bir táýliktiń ishinde qalyń qarda jolda qalǵan 200-den astam adam evakýatsııalanan bolatyn.
