Aqmolalyq qusbegi suńqar salýdan Qazaqstan chempıonatynda kúmis júldeger atandy
KÓKShETAÝ. QazAqparat – Aqmolalyq qusbegi Erlan Kenjetaev suńqar salýdan Qazaqstan chempıonatynda kúmis júldeger atandy. Týrnır «Búrkitpen ań aýlaý», «Suńqarmen ań aýlaý» jáne «Qarshyǵamen ań aýlaý» sııaqty úsh kezeńnen turdy, dep habarlaıdy QazAqparat tilshisi oblystyq dene shynyqtyrý jáne sport basqarmasynyń baspasóz qyzmetine silteme jasap.
Vedomstvonyń málimetinshe, jarys Soltústik Qazaqstan oblysynyń Qyzyljar kentinde ótti. Jarysqa elimizdiń ár óńirinen kelgen qusbegiler qatysty.
«Týrnırde «Búrkitpen ań aýlaý», «Suńqarmen ań aýlaý» jáne «Qarshyǵamen ań aýlaý» sııaqty úsh kezeń boldy. Jarystyń alǵashqy kúni qusbegiler búrkit, suńqar jáne qarshyǵany qolǵa qondyrsa, ekinshi kúni ań jáne qus aýlap, ózara baq synasty. Olardyń arasynda jerlesimiz, Aqmola oblystyq Balýan Sholaq atyndaǵy balalar men jasóspirimderdiń ulttyq sport túrleri boıynsha sport mektebiniń jattyqtyrýshysy Erlan Kenjebaev suńqarmen ań aýlaýdan kúmis júldeger atandy», - deıdi Aqmola oblystyq dene shynyqtyrý jáne sport basqarmasynyń baspasóz hatshysy Mahabbat Bolshına.
