Aqmolalyq kúdikti 15 jylqyny urlap, 11-in satyp úlgergen

KÓKShETAÝ. QazAqparat - Polıtseıler aqmolalyq turǵynnyń oblys aýmaǵyndaǵy asa iri kólemdegi mal urlyǵyna qatysy baryn anyqtady, dep habarlaıdy QazAqparat ІІM-ne silteme jasap.

«Jedel-izdestirý is-sharalaryn júrgizý barysynda Jaqsy aýdany turǵynynyń jylqy urlaýǵa qatysy bary anyqtaldy. Buryn sottalmaǵan 46 jastaǵy jylqyshy shilde aıynda Jarqaıyń aýdany Barankól aýylynda 15 jylqyny urlap ketkenin moıyndady. Polıtsııa qyzmetkerleri qaskúnemniń saraıynan 4 jylqyny tapty. Qalǵanyn er adam satyp úlgergen», - dep jazdy vedomstvo.

Aıta ketý kerek, urlyq jasalǵany týraly ótinishpen aýdandyq polıtsııa bólimine eshkim júgingen joq.

Qazirgi ýaqytta Jarqaıyń jáne Jaqsy aýdandyq polıtsııa bólimderiniń qyzmetkerleri fıgýranttyń óńir aýmaǵynda osyndaı urlyqqa qatysyn tekserýde. «Mal urlyǵy» baby boıynsha sotqa deıingi tergeý júrgizilýde. Kúdikti ýaqytsha ustaý ızolıatoryna qamaldy.