Aqmolalyq kórermenderge «Qazaq handyǵy. Altyn taq» fılmi usynyldy
Kókshetaýdaǵy «Cinema Alem» kıno teatrynda kórermenderge usynylyp, ystyq yqylasyna bólengen fılm «Qazaq handyǵy. Almas qylysh» hıkaıasynyń jalǵasy.
Kınotýyndy da Shaıbanı memleketiniń uly patshasy Ábilqaıyrdyń qazasy, Syǵanaqtyń qazaq handyǵyna qaraýy, Kereı hannyń qaıtys bolýy men taqqa Jánibek sultannyń otyrýy sekildi tarıhı oqıǵalar baıandalady.
Fılm týraly Qazaqstannyń eńbegi sińgen qaıratkeri, belgili jazýshy-dramatýrg Jabal Erǵalıev, Aqmola oblysynyń ardagerler keńesiniń tóraǵasy Ǵosman Tóleǵul pikirlerin bildirdi.
"Uly jazýshy Іlııas Esenberlınniń trılogııasy negizinde túsirilgen bul fılm qazaq handyǵynyń qurylýynyń asa qıyn da kúrdeli kezeńin qamtıdy.Osy fılmdi kórip otyryp, halqymyzdyń óz jeri men urpaǵyn saqtap qalýdaǵy qıly jolynan habardar bolasyń. Fılm sátti qoıylǵan. Búgingi jáne keler urpaq úshin kerek. Sonymen birge qazaq memleketin, el Táýelsizdigin saqtaý syrynyń tarıhı mańyzyn uǵyndyrar fılm boldy", -dedi Jabal Erǵalıev.
