Aqmolalyq kólik júrgizýshileri «Bir-birimizge kómekteseıik» aktsııasyn bastady
KÓKShETAÝ. QazAqparat - Aqmola turǵyndary aıaldamada tońyp turǵan adamdardy kólikterimen tegin jetkizip salýda, dep habarlaıdy QazAqparat tilshisi.
Kókshetaý qalasynda «Bir-birimizge kómektesemiz» aktsııasynyń bastalǵandyǵy týraly kólik júrgizýshileriniń biri Instagramda jazdy. Keıin, kokshevideogram akkaýntynda vıdeolar jarııalana bastady.
«Bir-birimizge kómekteseıik» aktsııasyn bastaımyz. Qys aıazdy, -40 gradýsqa deıin sýyq bolatyny kútilýde. Aktsııanyń maqsaty - jolda ketip bara jatqan júrgizýshiler aıaldamada tońyp turǵan adamdardy qalaǵan jerine tegin aparýy qajet. Birlesip jaqsylyq jasaıyq», - dep jazdy jerlesterin aktsııaǵa qatysýǵa shaqyrǵan Kókshetaý turǵyny.
Áleýmettik jelide bul bastamaǵa qoldaý bildirgenderdiń qarasy óte kóp.
Aktsııany oblys ortalyǵynan bólek, aýdandardaǵy júrgizýshiler de qoldap áketken. Máselen, @shchuchinsk_life ataýymen tirkelgen jeli qoldanýshysy ózin qalaǵa jerine tegin jetkizip salǵan Serik esimdi júrgizýshige alǵysyn bildirgen.
