Aqmolalyq qaıtys bolǵan týysynyń banktegi aqshasyn sheship almaq bolǵan
KÓKShETAÝ. QazAqparat - Kókshetaýda alaıaqtyq jasamaq bolǵan er adam ustaldy, dep habarlaıdy QazAqparat tilshisi.
ІІD baspasóz qyzmetiniń málimeti boıynsha 14 aqpan kúni Kókshetaý qalalyq ІІB-niń kezekshilik bólimine jergilikti bank fılıaldary biriniń qyzmetkeri alaıaqtyq jasamaq bolǵan er adam týraly habarlaǵan.
Keıin belgili bolǵandaı, er adam bireýdiń qujatyn paıdalaný arqyly depozıttegi aqshany sheship almaq bolǵan. Al, depozıt ıesiniń qaıtys bolǵany anyqtaldy.
Tergeý amaldary kezinde kúdiktiniń depozıt ıesiniń týysy jəne Zerendi aýdanynda turatyny belgili boldy. Kóz jumǵan týysynyń bankte aqshasy baryn bilgen ol onyń qujattaryn paıdalanyp, depozıttegi aqshany sheship almaq bolǵan.
Qazirgi kezde osy oqıǵaǵa baılanysty QR QK 24-babynyń 3-bólimi boıynsha sotaldy tergeý amaldary júrgizilýde.
