Aqmolalyq kásiporyn aýrýhanalardy mıneraldy sýmen qamtamasyz etip otyr

KÓKShETAÝ. QazAqparat – «Asia Waters» AQ kiretin Aqmola oblysyndaǵy «Kókshetaý mıneraldy sýlary» kásiporyny 24/7 rejıminde pandemııamen kúresip jatqan Qazaqstandaǵy medıtsınalyq mekemeler men dárigerlerdi tabıǵı TURAN sýymen qamatamasyz etýde, dep habarlaıdy QazAqparat tilshisi oblystyq ishki saıasat basqarmasyna silteme jasap.

Kompanııa baspasóz qyzmetiniń málimetinshe, kompanııa ótken aptada óz ónimin Nur-Sultan jáne Almaty qalalarynyń aýrýhanalaryna tegin jetkizip berdi. Búgin Aqmola oblysy men Kókshetaý qalasyndaǵy kópbeıindi aýrýhanada karantınde jatqan naýqastar men dárigerlerge 1250 lıtr sý jóneltýde.

«Kókshetaý mıneraldy sýlary» AQ dırektory Stanıslav Maksımetstiń sózinshe, zaýyt osy ýaqytqa deıin 7 myń tonnadan astam sý jóneltken.

«Búgingi kúni dárigerler bizdiń densaýlyǵymyz úshin ekstremaldy jaǵdaıda jumys isteýde. Olarǵa qıyn iste kómekteskimiz keledi. Tabıǵı TURAN sýynyń jahandyq pandemııamen kúrseýge úlesedi tıedi dep úmittenemiz», - dep atap ótti Stanıslav Maksımets.

Tabıǵı sýdyń quramynda adam úshin qajettti mıneraldar men paıdaly tiri bakterııalar bar. Onyń sapasy men quramyn QR Densaýlyq saqtaý mınıstrliginiń Kardıologııa jáne ishki aýrýlar ǴZI, Reseıdiń A.N.Sysına atyndaǵy adam ekologııasy jáne qorshaǵan orta gıgenasy ǴZI, sondaı-aq, Ýkraına jáne Germanııa elderiniń ǵalymdary zerttegen.

«Kókshetaý mıneraldy sýlary» AQ 25 jylda sýsyn shyǵarýda ındýstrııa kóshbasyndaǵy, áleýmettik-jaýapkershilik baǵytyndaǵy iri kásiporyndardyń biri sanalady. Kásiporyn jylyna 52,6 mıllıon shólmek nemese 35,3 mıllıon lıtr sýsyn shyǵarady.