Aqmolalyq kásipkerler sý tasqynynan zardap shekkenderge 2 mln teńgeniń kómegin kórsetti
Aqmola oblysy kásipkerler palatasy janyndaǵy Іsker áıelder keńesiniń qoldaýymen «Za spasıbo» qaıyrymdylyq dúkeniniń bazasynda azyq-túlik, qajetti buıymdar men túrli zattardy qabyldaý orny uıymdastyryldy.
Demalys kúnderi Kókshetaý qalasy men Aqkól aýdany Іsker áıelder keńesiniń, sondaı-aq Meıramhana men qonaq úı qyzmetkerleriniń qoǵamdyq birlestiniń músheleri tasqynnan eń kóp zardap shekken Sandyqtaý jáne Atbasar aýdanynyna bardy, dep habarlaıdy «Atameken» ulttyq kásipkerler palatasynyń saıty .
Atbasar qalasynda jergilikti Kásipkerlerdi qoldaý ortalyǵynda tabıǵat apatynan zardap shekkenderge kómek kórsetý orny uıymdastyryldy. Aktsııany uıymdastyrýshylar jalpy somasy 1 mln teńgeniń azyq-túligin (qant, sháı, un, nan-toqash, makaron ónimderi, jarmalar, ósimdik maıy jáne t.b.), jyly kıimder, aıaq kıim, arnaıy kıimder men sanıtarlyq-gıgıenalyq zattar, tósek jabdyqtaryn jetkizdi.
Sonymen qatar kómek kórsetýdi Óńirlik kásipkerler palatasynyń Jarqaıyń aýdandyq fılıaly da uıymdastyrdy.
«Aýdandyq kásipkerler, isker áıelder keńesteri azamattyq ustanymdaryn tanytyp, jerlesterge qoldaý kórsetýge jumyla kiristi. Búginde 100 myń teńge jınalyp, eseptik shotqa aýdaryldy», - dedi óńirlik kásipkerler palatasy Jarqaıyń aýdandyq fılıalynyń dırektory Abaı Suraǵanov.
Kórshiles Soltústik Qazaqstan oblysynyń aýyl sharýashylyǵy óndirýshileri de kómek qolyn sozdy. Atap aıtqanda Sh.Ýálıhanov aýdanynyń «Joldasbaı-agro» sharýa qojalyǵy 300 myń teńge aýdardy.
Al Atbasar aýdanynyń 15 sharýalyq jáne agroqurylymdyq qojalyq 300 myń teńgeden astam somada qarjylaı kómek kórsetti. Kásipkerler palatasynyń aýdandyq fılıaly men Іsker áıelder keńesi, Atbasar qalasynyń 60-tan astam dúkeni bastaryna qıynshylyq túsken jerlesterge qajetti zattar men azyq-túlik jetkizdi.