Aqmolalyq kásipkerler Belarýs tehnologııasymen tanysty
Jarqaıyń aýdanynyń aýyl sharýashylyǵy qurylymdarynyń basshylarynan quralǵan delegatsııa Belarýs Respýblıkasynyń astanasy Mınsk qalasy jáne Mınsk oblysyndaǵy aýyl sharýashylyǵy ónimderin shyǵaratyn kásiporyndarda boldy.
Mınsk qalasynda qazaqstandyq delegatsııa belarýstik aýyl sharýashylyǵy taýarlaryn shyǵaratyn kásiporyndardyń qatysýmen «Sandyq tehnologııany qoldanýdyń tıimdiligi» taqyrybynda ótken ǵylymı - tájirıbelik konferentsııaǵa qatysty.
Belarýs eliniń tájirıbede kórsetilgendeı sandyq tehnologııa arqyly resýrs paıdalanýdy únemdeýge jáne ónim shyǵarýda kásiporyn shyǵynyn azaıtýǵa, sondaı - aq, báskelestikti arttyrýǵa bolady.
Qazaqstandyq delegatsııa pestıtsıd shyǵaratyn «Avgýst-Bel» kompanııasynda bolyp, zaýyttyń ortalyq zerthanasy, óndiristik korpýs, koeksn ydystar shyǵaratyn tseh, qoıma jáne qaldyqtardy óndeý jumystarymen tanysty. Sonymen qatar, sútti-etti baǵyttaǵy mal sharýashylyǵy, tuqym sharýashylyǵy, dándi daqyldar jáne kartop pen qyzylsha ósirýmen aınalysatyn «Gastellovskoe» AQ óndiris protsessterine qanyqty. Qazirgi zamańǵy ozyq tehnologııany qolandyp otyrǵan sharýashylyq isi oń basýda. Ásirese, robototehnıkanyń qoldaýndyń arqasynda eńbek ónimdiligi ulǵaıyp, óndiris kólemi men ónim sapasy arta tústi.
«Aqmola oblysynda aýyl sharýashylyǵy qarqyndy damyǵan. Onyń ishinde Jarqaıyń aýdany agrarly óńir sanalady. Belarýstarda aýyl sharýashylyǵy salasyna úlken den qoıyp otyr. Sondyqtan, ekijaq salany damytý baǵatynda bir-birimen tájirıbe almasqany mańyzdy», dep atap ótti Jarqaıyń aýdanynyń ákimi Murat Balpan.
Oǵan qosa, aqmolalyqtarǵa Mınsk qalasyndaǵy at sporty ortalyǵy da tanystyryldy.
Sapar sońynda aqmolalyq delegatsııa Jarqaıyń aýdanynda kótkemgi tuqym sebý naýqanyna daıyndyq boıynsha agrokeńes uıymdastyrylatynyn oǵan Máskeýdiń «Exact Farming» kompanııasynyń mamandary qatystyrlatynyn atap ótti. Sonymen qatar, óńirde pılottyq joba negizinde aýyl sharýashylyǵy daqyldaryn óndirýde keshendi túrde sandyq tehnologııa engiziletini de aıtyldy.
