Aqmolalyq qarttar Býrabaıda saıahattady
KÓKShETAÝ. QazAqparat - Aqmola oblysynyń əkimi Məlik Myrzalın qarttar men múgedekterdi áleýmettik qoldaý aılyǵy qarsańynda óńir zeınetkerlerine qurmet kórsetip, merekelerimen quttyqtady, dep habarlaıdy QazAqparat tilshisi.
Oblystyń ər jerinen kelgen 100-ge jýyq ardagerge aldymen Býrabaı kýrortynyń «Vızıt Ortalyǵy», zoobaq, tarıhı murajaıy syndy kórikti jerlerine saıahat uıymdastyryldy.
Budan keıin Býrabaı baýraıyndaǵy «Aınakól» meıramhanasynda uıymdastyrylǵan sharada soǵys jáne eńbek ardagerlerin quttyqtaǵan óńir basshysy Elbasy Nursultan Nazarbaevtyń tapsyrmasyna sáıkes memleket tarapynan aǵa urpaq ókilderine barynsha qamqorlyq jasalyp otyrǵanyn atap ótti. Sondaı-aq M.Myrzalın bul másele jergilikti bıliktiń de únemi nazarynda ekendigine toqtaldy.
Oblys ákimi: «Búgingi elimizdiń kórkeıip-gúldenýi, urpaqtarymyzdyń shat-shadyman, baqytty turmysqa kenelýi, árıne, aǵa urpaqtyń mańdaı teriniń, elge sińirgen eńbeginiń jemisi. Elimizdegi irgeli oblystyń əleýmettik-ekonomıkalyq damýy sizderdiń eńbekterińiz. Sondyqtan sizderge udaıy qamqorlyq kórsete beremiz», - deı kele, «Şýche-Býrabaı» kýrorty aımaǵyn damytý boıynsha atqarylyp jatqan jumystar týraly aıtyp berdi.
Saltanatty sharada jergilikti kórkemónerpazdar men shyǵarmashylyq ujymdar ardagerlerdi myń buralǵan bı men əýelegen ənge bólep, merekelik jaqsy kóńil-kúı syılady. Barlyq ardagerlerge gúl shoqtary jáne aqshalaı syı-sııapat tapsyryldy.
Óz kezeginde ardagerler mereılerin ósirgen oblys basshylyǵyna rızashylyqtaryn bildirdi. Olardyń arasynda Aqmola oblystyq Ardagerler keńesiniń tóraǵasy Ǵosman Tóleǵul bastaǵan Esilbaı Qadyralın, Amangeldi Syzdyqov, Qalı Muqataev, Vladımır Kachkovskıı, Aıdarhan Temirbaev, Aıdos Əbýtəlipov, Shəmshııa Aıtjanova, Telman Muqyshev jəne Shııap Əlıev sııaqty elge qadirli qarttar bar.
Óńir ardagerlerin quttyqtaý sharalary qarttar men múgedekterdi qoldaý aılyǵy aıasynda ári qaraı júzege asyryla bermek.
