Aqmolalyq karateshiler Azııa kýbogynda 10 medal ıelendi
KÓKShETAÝ. QazAqparat – Aqmolalyq sportshylar Taraz qalasynda ótken kıokýshınkaı-kan karateden Azııa kýbogynda 10 medal ıelendi, dep habarlaıdy QazAqparat tilshisi oblystyq dene shynyqtyrý jáne sport basqarmasynyń baspasóz qyzmetine silteme jasap.
Vedomstvonyń málimetinshe, jarysqa Tájikstan, Qyrǵyzstan, Ózbekstan, Japonııa, Reseı, Iran elderi men Qazaqstannan barlyǵy 200 sportshy qatysty. Jarys kýmıte jáne kata ádisi boıynsha ótti. Ulttyq qurama sapynda Aqmola oblysynyń Tselınograd, Shortandy, Aqkól aýdandary men Kókshetaý qalasynan barǵan krateshiler tatamıde baq synady.
«Kata ádisi boıynsha erler arasynda Damır Mannapo chempıon atansa, Amır Mannapov ekinshi, Ashat Galeev pen Uzaqbaı Madııarbek (14-15 jastaǵylar arasynda) úshinshi oryn aldy. Kýmıte ádisi boıynsha 10-11 jastaǵylary arasynda Sábına Ýmarova birinshi oryn, 12-13 jastaǵylar arasynda Aleksandra Leonova ekinshi, 14-15 jastaǵylar arasynda Bahytjan Qaıratov ekinshi, al, erler arasynda Ashat Galeev úshinshi oryn ıelendi. Osylaısha, jalpy esep boıynsha aqmolalyq karateshiler eki altyn, tórt kúmis jáne tórt qola medal ıelendi», - deıdi vedomstvonyń baspasóz hatshysy Mahabbat Bolshına.
Sonymen qatar, 14-15 jáne 12-13 jastaǵylar arasynda Dıana Jasulan men Názıra Ahmetova úshinshi orynǵa turaqtady.
