Aqmolalyq erler voleıbol komandasy el kýboginiń «kúmis» júldegeri atandy
KÓKShETAÝ. QazAqparat – Aqmolalyq voleıbolshylar Qazaqstan Respýblıkasy Chempıonaty kýboginiń «kúmis» júldegeri atandy, dep habarlaıdy QazAqparat oblystyq ishki saıasat basqarmasyna silteme jasap.
Óskemen qalasynda voleıboldan erler komandalary arasynda Qazaqstan Respýblıkasy Chempıonaty kýboginiń fınaldyq kezdesýi ótti. Jarysqa elimizdiń ár óńirinen jınalǵan segiz komanda qatysty. Aqmola oblysynan «Ushqyn Kókshetaý» voleıbol klýby jaqsy nátıje kórsetti.
«Jas «Ushqyn Kókshetaý» voleıbol komandasy jaqsy óner kórsetti. Aqmolalyqtar el chempıony Almatynyń «Býrevestnık» komandasynan 3:2 esep aıyrmasymen basym tústi. Al, jartylaı fınalda tarazdyq komandany 3:0 esebimen tize búktirdi. Tek fınalda atyraýlyq voleıbolshylardan ǵana utylyp, júldeli ekinshi oryn aldy», - deıdi oblystyq dene shynyqtyrý jáne sport basqarmasynyń baspasóz qyzmetindegiler.
Aıta ketsek, «Ushqyn Kókshetaý» komandasynyń oıynshysy Qanat Ǵabdýlın chempıonattyń «úzdik oıynshysy» atandy.
