Aqmolalyq dárigerler qopsytqysh pyshaǵyna qulaǵan áıeldi qutqardy
KÓKShETAÝ. QazAqparat - Aqmola oblystyq aýrýhana dárigerleri Kókshetaý turǵynynan qopsytqysh pyshaǵynyń qaldyǵyn aldy, dep habarlady Aqmola oblysy densaýlyq saqtaý basqarmasynyń baspasóz qyzmeti.
Mamyr ortasynda saıajaıda áıel jumys istep turǵan qopsytqyshtyń ústine qulaǵan. Jaǵdaıdyń kúrdeli bolǵany sonshalyq, oqıǵa ornyna jedel járdem ǵana emes, jedel qutqarý jasaǵyn da shaqyrtýǵa týra keldi.
Qopsytqysh pyshaǵy áıel denesiniń tinine tereń kirip, aıaǵyn jaraqattaǵany jaǵdaıdy ýshyqtyra tústi. Dárigerler zardap shekken áıelge shokqa qarsy terapııa jasap, pyshaq bóligin alyp shyqty.
Temir qaldyǵyn alý múmkin bolmaı, áıel Aqmola oblystyq aýrýhanasyna jatqyzyldy. Asa aýyr jaǵdaıdaǵy áıel jansaqtaý bólimine jatqyzyldy. Onda jambas synyǵy, kishi jambas músheleriniń eleýli jaraqaty tirkeldi. Áıel jeti kún jasandy ókpe jeldetkish apparatyna qosýly boldy.
