Aqmolalyq burynǵy áıelin kepilge alǵan
KÓKShETAÝ. QazAqparat - Aqmola oblysy Qorǵaljyn aýdanynda 33 jastaǵy aýyl turǵyny qarýmen qorqytyp, burynǵy jubaıyn kepilge alǵan, dep habarlaıdy QazAqparat tilshisi oblystyq polıtsııa departamentiniń baspasóz qyzmetine silteme jasap.
Polıtseılerdiń aqparaty boıynsha, 22 sáýirde 09:35-te Qorǵaljyn aýdandyq polıtsııa bóliminiń kezekshilik bólimine Qorǵaljyn aýylynda aýdandyq bilim bólimi dırektorynyń kabınetinde 33 jastaǵy Qorǵaljyn aýdany Janteke aýylynyń turǵyny burynǵy jubaıyn tutqynǵa alǵany týraly habar túsken. Er adam odan balalary men kóligin qaıtarýdy talap etken.
«Quqyq qorǵaý organdary jumyldyrylyp, ǵımarat qorshaýǵa alyndy. Qorǵaljyn APB qyzmetkerleriniń arasynan kúdiktini tanıtyn top quryldy. Qoldanylǵan sharalardyń arqasynda er adam ustaldy. Kúdiktiniń pyshaǵy men tegis uńǵyly qarýy tárkilendi. Tutqyn áıel bosatyldy, ony medıtsına qyzmetkerleri tekserdi», - dedi óńirlik polıtsııa departamentiniń baspasóz qyzmeti.
Vedomstvoda atap ótilgendeı, eshkim zardap shekpegen. Osy fakti boıynsha, QR QK 261 baby 2-bóligi 3,4 tarmaǵy «Adamdy kepilge alý» boıynsha sotqa deıingi tergeý jumystary bastaldy. Oǵan sáıkes, kúdikti 7 jyldan 12 jylǵa deıin bas bostandyǵynan aıyrylýy múmkin.
Avtor: Oksana Matasova
