Aqmolalyq boksshy qyz halyqaralyq týrnırde chempıon atandy
Sılezııa aımaǵyndaǵy Glıvıtse qalasynda áıelder arasynda bokstan 13-shi halyqaralyq týrnır máresine jetti. Baıraqty básekege Qazaqstan, Kanada, Chehııa, Anglııa, Frantsııa, Germanııa, Gretsııa, Vengrııa, Úndistan, Latvııa, Lıtva, Chernogorııa, Norvegııa, Polsha, Reseı, Senegal, Slovenııa, Shvetsııa, Shveıtsarııa, Tanzanııa jáne Ýkraına tárizdi 21 memleketten barǵan bylǵary qolǵap sheberleri qatysty. Olardyń arasynda Olımpıada, Álem chempıonatynyń jeńimpazdary bar.
«Bes kúnge sozylǵan jarys barysynda ulttyq qurama sapynda bolǵan aqmolalyq qyzdar eki medalge qol jetkizdi. Onyń biri - 60 keli salmaqta qolǵap túıistirgen Karına Ibragımova fınaldyq kezdesýde 2016 jylǵy Olımpıadanyń qola júldegeri reseılik Anastasııa Belıakovany 4:1 esebimen aıqyn basymdyqpen jeńse, 48 keli salmaqta sharshy alańǵa shyqqan Áıgerim Qasenova úndistandyq Merı Komnan utylyp, júldeli ekinshi oryn aldy», - deıdi Aqmola oblysynyń dene shynyqtyrý jáne sport basqarmasynyń baspasóz hatshysy Mahabbat Bolshına.
Jalpy, Qazaqstan qurmasy toǵyz medal ıelendi, onyń ishinde 4-ýi - altyn, 2-ýi - kúmis jáne 3-ýi - qola.
Bul jarys sportshylar úshin aǵymdaǵy jyldyń 12-26 qarashasynda Úndistannyń Nıý-Delı qalasynda ótetin Álem chempıonatyna jattyǵý kezeńi bolyp otyr.
