Aqmolalyq boksshy halyqaralyq týrnırdiń jeńimpazy atandy
KÓKShETAÝ. QazAqparat - Aqmolalyq boksshy Bolgarııada ótken halyqaralyq týrnırdiń jeńimpazy atandy, dep habarlaıdy QazAqparat tilshisi.
Aqmola oblysynyń dene shynyqtyrý jáne sport basqarmasy baspasóz qyzmetiniń deregi boıynsha, Bolgarııa elinde balalar men jasóspirimder arasynda Djechevany eske alýǵa arnalǵan bokstan ІІІ - shi halyqaralyq týrnır ótti. Oǵan álemniń 19 elinen jınalǵan bylǵary qolǵap sheberleri qatysyp, baq synady. Qazaqstan quramasy sapynda bolǵan aqmolalyq Tımýr Qabdeshov 49 keli salmaqtaǵylar arasynda úzdik shyǵyp, týrnır jeńimpazy atandy.
Aıta keteıik, Tımýr oblystyq joǵary sporttyq sheberlik mektebinde Abzal Baltakeskenovtyń jetekshiligimen jattyǵady. Sonymen birge osy jarysqa qatysqan Qazaqstan quramasy jalpy komandalyq esepte alǵashqy eki oryndy jeńip aldy.
