Aqmolalyq boksshy halyqaralyq týrnırden «altyn» alyp qaıtty
KÓKShETAÝ. QazAqparat - Germanııada bokstan ótken halyqaralyq týrnırde Qazaqstan qurmasy jalpykomandalyq esep boıynsha birinshi oryn aldy. Ulttyq qurama sapynda bolǵan aqmolalyq bylǵary qolǵap sheberi Talǵat Sháıken altyn medal ıelendi, dep habarlaıdy QazAqparat tilshisi.
Aqmola oblysynyń dene shynyqtyrý jáne sport basqarmasynyń baspasóz hatshysy Mahabbat Bolshınanyń aıtýynsha, Fankfýrt-na-Odere qalasynda 23-shi halyqaralyq «Bradenbýrg-2018 kýbogy» jastar týrnıri ótti.
«Álemniń birneshe elinen jınalǵan sportshylar arasynda Qazaqstan quramasy joǵary nátıjege qol jetkizdi. Ulttyq qurama qorjynǵa 7 altyn, 1 kúmis jáne 1 qola medal salyp, komandalyq esepte birinshi orynnan kórindi. Odan keıingi ekinshi jáne úshinshi oryndarǵa Reseı jáne Anglııa boksshylary turaqtady. Ulttyq qurama sapynda bolǵan aqmolalyq boksshy Talǵat Sháıken 64 keli salmaqta Reseı sportshysy Andreı Chýnıhındi 5:0 upaı sanymen utyp týrnır jeńimpazy atandy», dep túsindirdi M.Bolshına.
