Aqmolalyq bıznes hanym «Rýhanı jańǵyrýǵa» arnap tikken avtocheholyn Elbasyna syılamaq
Bulandy aýdanynda turatyn Ǵaını Ahmetova «Atameken» kásipkerler palatasy arqyly «Bastaý Bıznes» jobasy boıynsha arnaıy kýrstan ótip, óz bıznesin bastaǵan.
«Bıylǵy jyldyń kókteminde Bulandy aýdandyq kásipkerlerdi qoldaý ortalyǵyna bardym. Ondaǵy mamandar maǵan aqyl-keńesterin berip, «Bıznes Bastaý» jobasy boıynsha oqýdy usyndy. Bilim alǵan soń óz isimdi ashýǵa bel býdym. Osylaısha, ulttyq naqyshta avtokólik cheholdaryn tige bastadym. Nátıje kóp kúttirmedi. Kóp uzamaı alǵashqy klıentterimde tabyldy», dedi kásipker forýmda sóılegen sózinde.
Sonymen qatar, ol Elbasy Nursultan Nazarbaevqa syılyq retinde elimizdiń kelesheginiń sımvoly «Rýhanı jańǵyrýǵa» arnap ulttyq naqyshta bir komplekti avtochehol tikkenin de atap ótti. Ony kəsipker eki aı boıy tikken. Artynsha «Rýhanı jańǵyrý» jazýyn jazǵan.
«Osy múmkindikti paıdalana otyryp, elimizdiń kelesheginiń sımvoly «Rýhanı jańǵyrýǵa» arnap ulttyq naqyshta tigilgen avtocheholdy Elbasy Nursultan Nazarbaevqa tartý etkim kelip otyr. Búgingi tańda, biz jumylǵan judyryqtaı bir tutas ult bola bilýimiz kerek», dedi Ǵaını Ahmetova.
Qazirgi kezde, kəsipker shyǵarǵan ónimge suranys arta túsýde. Tiptiń Aqmola oblysynan tysqary óńirlerden de tapsyrys berýshiler bar.
