Aqmolalyq bıatlonshylar «Azııa balalary» qysqy oıynynda eki medal ıelendi
KÓKShETAÝ. QazAqparat - Aqmolalyq bıatlonshylar «Azııa balalary» qysqy oıynynda Qazaqstan quramasynyń qorjynyna taǵy eki medal saldy, dep habarlaıdy QazAqparat tilshisi oblystyq dene shynyqtyrý jáne sport basqarmasynyń baspasóz qyzmetine silteme jasap.
Vedomstvonyń málimeti boıynsha, bul joly aqmolalyq bıatlonshy Danıl Chervenko aralas estafetada altyn medal ıelense, Vadım Kýrales jeke aralas estafetada kúmis júldeger atandy.
««Azııa balalary» qysqy oıyndary bastalǵannan beri jerlesimiz Vadım Kýrales barlyq deńgeıdegi medaldarǵa qol jetkizdi. Sportshylardy Vladımır Zatýla jattyqtyrady», - deıdi Aqmola oblystyq dene shynyqtyrý jáne sport basqarmasynyń baspasóz hatshysy Mahabbat Bolshına.
Aıta keteıik, «Azııa balalary» qysqy oıyndarynda Qazaqstan quramasynyń enshisinde barlyǵy 11 medal (5 altyn, 4 kúmis jáne 2 qola) bar. Jarysqa barlyǵy 73 sportshy qatysýda.
