Aqmolalyq bıatlonshy eki dúrkin Azııa chempıony atandy
KÓKShETAÝ. QazAqparat - Aqmolalyq bıatlonshy Roman Eremın Azııa chempıonatynda ekinshi altyn medaline qol jetkizdi, dep habarlaıdy QazAqparat tilshisi.
Aqmola oblystyq dene shanyqtyrý jáne sport basqarmasynyń baspasóz hatshysy Mahabbat Bolshınanyń málimeti boıynsha, Şýchınsk qalasyndaǵy shańǵy bazasynda Astananyń 20 jyldyǵyna arnalǵan IBU aıasynda bıatlonnan ashyq Azııa chempıonaty ótti.
«Baıraqty jarysqa Reseı, Qyrǵyzstan Respýblıkasy jáne elimizdiń ár óńirinen kelgen 100-den astam sportshy qatysty. Onyń ishinde aqmolalyq bıatlonshy Roman Eremın mass-start ádisi boıynsha jarys jeńimpazy atandy. Bul onyń Azııa chempıonatynda qol jetkizip otyrǵan ekinshi altyn medali. Odan keıingi oryndarǵa Vladıslav Vıtenko men Tımýr Kýts jaıǵasty. Sonymen qatar, aqmolalyq jas bıatlonshy Vadım Kýralesov ta jaqsy nátıje kórsetti. Ol Vladıslav Kıreev pen Dıonıs Rodýnerdi alǵa jiberip, júldeli úshinshi orynnan kórindi», deıdi baspasóz hatshysy.
Aıta keteıik, Býrabaı aýdanynyń Şýche qalasynda ótken bıatlonnan ashyq Azııa chempıonatynyń alǵashqy kúni erler arasynda ótken 20 shaqyrymdyq jarysta Aqmola oblysynyń Sandyqtaý aýdanynan qatysqan Roman Eremın úzdik nátıje kórsetken bolatyn.
