Aqmolalyq bıatlonshy Azııa chempıony atandy
KÓKShETAÝ. QazAqparat- Aqmolalyq bıatlonshy Roman Eremın Şýchınsk qalasynda ótip jatqan Azııanyń ashyq chempıonatynda alty medal aldy, dep habarlaıdy QazAqparat tilshisi Aqmola oblystyq dene shynyqtyrý jáne sport basqarmasynyń baspasóz qyzmetine silteme jasap.
Aıta keteıik, búgin Býrabaı aýdanynyń Şýche qalasynda bıatlonnan Azııanyń ashyq chempıonatynyń ashylýy ótti. Astana qalasynyń 20 jyldyǵyna oraı uıymdastyrylǵan jarysqa Reseı, Qyrǵyzstan jáne elimizdiń 10 oblysynan kelgen 100-den astam sportshy qatysýda. Olardyń arasynda Ońtústik Koreıada ótken Phenchhan Olımpıdasynyń qatysýshylary da bar.
Jarystyń alǵashqy kúni erler arasynda ótken 20 shaqyrymdyq jarysta Aqmola oblysynyń Sandyqtaý aýdanynan qatysqan Roman Eremın úzdik nátıje kórsetti. Onda keıin Shyǵys Qazaqstan oblysynyń ókili Vladıslav Vıtenko men pavlodarlyq Anton Pantov ekinshi jáne úshinshi oryndardy ózara bólisti.
