Aqmolalyq bıatl jáne trıatl sportynan álem chempıony atandy
KÓKShETAÝ. QazAqparat - Aqmolalyq sportshy Aıan Beısenbaev bıatl jáne trıatldan álem chempıony atandy, dep habarlaıdy QazAqparat tilshisi.
Oblystyq dene shynyqtyrý jáne sport basqarmasy baspasóz qyzmetiniń málimeti boıynsha, Ispanııanyń Vıveıro qalasynda ótken baıraqty jarysqa álemniń 21 elinen kelgen 500 atlet qatysty. Týrnır qatysýshylary 9 jasqa deıingi balǵyndar men 79 jasqa deıingi sport sheberleri arasynda jekeleı jáne aralas estafeta boıynsha kúsh synasty.
Qazaqstan quramasy sapynda Aqmola oblysynan 10 sportshy bardy. Onyń ishinde Aıan Beısenbaev qarsylastarynan oq boıy ozyp, altyn medalǵa qol jetkizdi. Sondaı-aq, Temirlan Temirov pen Arman Qydyrtaev ekinshi jáne úshinshi orynnan kórindi.
Al, balǵyndar arasynda Denıs Týnıtskıı men Ashraf Kamalova ekinshi, Aıan Beısenbaev pen Nadejda Bekmaǵambetova úshinshi orynǵa laıyq dep tanyldy.
Jalpy, jarys qorytyndysy boıynsha, Qazaqstan quramasy bıatl jáne trıatl sportynan álem chempıonatynda kósh basynan kórindi.
