Aqmolalyq basketbolshylar el chempıony atandy
KÓKShETAÝ. QazAqparat - Aqmola oblysynyń basketbol qurama komandasy Qazaqstan Respýblıkasynyń chempıonatynda úzdik atandy, dep habarlaıdy QazAqparat tilshisi.
Aqmola oblystyq dene shynyqtyrý jáne sport basqarmasy baspasóz qyzmetiniń málimetinshe, Almaty oblysynyń Tekeli qalasynda 2004-2005 jáne 2006-2007 jylǵy qyzdar arasynda Qazaqstan chempıonaty ótti.
Jarysqa elimizdiń ár óńirinen 11 komanda qatysqan. Joǵary jastaǵylar arasynda Aqmola oblysynyń qurama komandasy qostanaılyqtardan basym túsip, chempıon atandy. Al, úshinshi oryndy Shymkent qurama komandasyn tize búktirgen alań ıeleri jeńip aldy.
Chempıonattyń eń úzdik oıynshysy ataǵyna aqmolalyq Valera Shmıdt laıyq dep tanyldy. Aqmolalyq basketbolshylar Qajymuqan atyndaǵy №3 oblystyq mamandandyrylǵan balalar men jasóspirimder sport mektebinde tárbıelenýde. Jattyqtyrýshylary - Tatıana Volkova jáne Vıktorııa Volkova.
