Aqmolalyq basketbolshy qyzdar Qazaqstan kýbogynyń jeńimpazy atandy
KÓKShETAÝ. QazAqparat – Aqmola oblysynyń basketbol qyzdar komandasy Qazaqstan kýbogynyń jeńimpazy atandy, dep habarlaıdy QazAqparat tilshisi oblystyq dene shynyqtyrý jáne sport basqarmasyna silteme jasap.
Vedomstvonyń málimetinshe, Qostanaı qalasynda Qadyrbek Ospanov qurmetine 2003 jyly týǵan jáne odan tómen jastaǵylar arasynda basketboldan Qazaqstannyń 14-shi ashyq kýbogy ótti. Jarysqa Qazaqstan, Ózbekstan, Reseı elderinen barlyǵy 22 komanda qatysty.
«Jarysta Aqmola oblysynyń basketbolshy qyzdaryna teń keletin komanda bolǵan joq. Jerlesterimiz tartysty kezdesýlerde qarsylastarynan basym túsip, jeńis tuǵyryna kóterildi», - deıdi oblystyq dene shynyqtyrý jáne sport basqarmasynyń baspasóz hatshysy Mahabbat Bolshına.
Aqmolanyń basketbolshy qyzdar arasynda Nadejda ıAkovleva úzdik oıynsha atansa, Zoıa Býdaı qundy oıynshysy (MVR) dep tanyldy.
