Aqmolalyq basketbolshy qyzdar Qazaqstan chempıony atandy

Osylaısha, olar úshinshi ret chempıondyq ataqty qorǵady, dep habarlaıdy QazAqparat tilshisi oblystyq dene shynyqtyrý jáne sport basqarmasynyń baspasóz qyzmetine silteme jasap.

Vedomstvonyń málimetinshe, Şýche qalasynda 2003-2004 jyldary týǵan qyzdar arasynda basketboldan Qazaqstan Respýblıkasynyń chempıonaty aıaqtaldy.

Chempıonat barysynda Aqmola oblysynyń basketbolshy qyzdary jaqsy oıyn órnegin kórsetti. Nátıjesinde Aqmola oblysynyń qurama komandasy chempıon atandy. Al ekinshi orynǵa Aqtóbe qalasynyń basketbolshylary ornalasty, - dedi Aqmola oblystyq dene shynyqtyrý jáne sport basqarmasynyń baspasóz hatshysy Mahabbat Bolshına.

Sonymen qatar, Aqmola oblysy qurama komandasynyń múshesi Nadejda ıAkovleva chempıonattyń úzdik oıynshysy dep tanyldy.

Aıta keteıik, aqmolalyq basketboldan qyzdar komandasy bapkerler Tatıana jáne Vıktorııa Volkovalardyń jetekshiligimen jattyǵady. Olar 2019, 2020 jyldary chempıon bolsa, bıyl úshinshi ret jeńimpaz atandy.