Aqmolalyq basketbolshy qyzdar el chempıony atandy
KÓKShETAÝ. QazAqparat – Aqmola oblysynyń basketbolshy qyzdary Qazaqstan chempıony atandy, dep habarlaıdy QazAqparat tilshisi oblystyq dene shynyqtyrý jáne sport basqarmasynyń baspasóz qyzmetine silteme jasap.
Vedomvstonyń málimetinshe, Taraz qalasynda basketboldan 3×3 formatynda ótken Qazaqstan chempıonatyna elimizdiń ár óńirinen jınalǵan 49 komanda qatysyp, baq synady. Onyń ishinde aqmolalyqtar bir altyn jáne eki kúmis medal ıelendi.
«Aqmola oblysy atynan qyzdar arasynda 2007-2008 jyldary týǵan U-12, 2005-2006 jyldary týǵan U14 jáne 2003-2004 jyldary týǵan U16 úsh komanda qatysty. Olardyń arasynda U-12 komandasy el chempıony atansa, U14 jáne U16 komandadary ekinshi oryn aldy. Sonymen qatar, 12 jastaǵylar arasynda Mılana Krýtevıch, al, 14 jastaǵylar arasynda Aıdana Qasenova úzdik oıynshy atandy», - deıdi Aqmola oblystyq dene shynyqtyrý jáne sport basqarmasynyń baspasóz hatshysy Mahabbat Bolshına.
