Aqmolalyq balalar úıiniń tárbıelenýshileri Máskeýden júldemen oraldy
KÓKShETAÝ. QazAqparat - Aqmola oblysynyń Esil qalasyndaǵy balalar úıiniń tárbıelenýshileri Máskeý qalasynda ótken «Qazaqstan - Reseı: sheksiz ǵylym» atty oqýshylar men stýdentterdiń III Halyqaralyq ǵylymı-praktıkalyq konferentsııasyna baryp qaıtty, dep habarlaıdy QazAqparat tilshisi oblystyq ishki saıasat basqarmasynyń baspasóz qyzmetine silteme jasap.
Balalar konferentsııanyń alǵashqy kúninde úlken Máskeý tsırkin, «Tsarevna-Nesmeıana» qoıylymyn tamashalady. Qyzyl alań, hramdar men ártúrli sáýlet eskertkishteri jáne saıabaqtar tárizdi qalanyń kórikti jerlerin aralap kórdi.
«Konferentsııanyń ekinshi kúninde balalar ózderiniń jobalaryn mańyzdylyǵy jáne maǵynalyǵy jaǵynan qorǵaý kerek bolatyn. Bul jaǵynan alǵanda bizdiń balalar jaqys nátıje kórsetti», joba jetekshisi Svetlana Mozalevskaıa.
Jalpy, konferentsııaǵa Qazaqstannyń ár óńirinen barǵan 60-tan astam bala qatysty. Baıqaýdyń qorytyndysy boıynsha «Sport meniń ómirimde» jáne «Quraq quraý qııalǵa qanat bitirer» jobalarymen Edýard Sharaev pen Evgenııa Gaınýtdınova І orynǵa ıe boldy. Jetekshileri - Svetlana Mozalevskaıa men Aıman Qaýymetova. Sonymen qatar, Anastasııa Baboshına, Evgenııa Moorg, Aleksandra Lıashenko qatysqany úshin alǵys hattarymen marapattaldy.
Konferentsııa sońynda balalar sharany uıymdastyrýshylarǵa alǵys bildirip, «MANEIıP» QQ-nyń tóraǵasy Talǵat Tóremuratovqa ózderi jasaǵan osy jyldyń sımvoly - ıt pen «JAŃA DAY» gazetiniń arnaıy sanyn syılady.
