Aqmolalyq balalar ózin-ózi qorǵaý men alǵashqy medıtsınalyq kómek kórsetýdi úırendi

KÓKShETAÝ. QazAqparat - «30 ıgi is» aktsııasy aıasynda Aqmola oblysynyń polıtseıleri balalarǵa alǵashqy medıtsınalyq kómek kórsetýdi úıretti jáne ózin-ózi qorǵaý kýrsyn ótkizdi, dep habarlaıdy QazAqparat tilshisi.

Oblystyq PD baspasóz qyzmetiniń málimetinshe, QR Táýelsizdiginiń 30 jyldyǵyna arnalǵan «30 ıgi is» aktsııasy sheńberinde Aqmola oblystyq polıtsııa departamentiniń arnaıy jumyldyrý daıyndyǵy basqarmasy men JPB «Dınamo» FSO fılıalymen birlesip, az qamtylǵan otbasylardan shyqqan balalar, «Dınamo» sektsııalarynyń tárbıelenýshileri úshin ózin-ózi qorǵaý, alǵashqy medıtsınalyq kómek kórsetý boıynsha kýrs ótkizdi.

«Óskeleń urpaqty otansúıgishtik rýhta tárbıeleý, janashyrlyq pen jaýapkershilik sezimin, bir-birine tilektestik qarym-qatynasty tárbıeleý maqsatynda departament qyzmetkerleri balalarmen alǵashqy medıtsınalyq kómek kórsetý boıynsha áńgime jáne praktıkalyq sabaqtar ótkizdi. Kez kelgen adamǵa qoldaǵy quraldardyń kómegimen jaradan qandy toqtatýǵa qalaı kómektesýge bolatynyn, jaraǵa tańýdy qalaı durys qoıý kerektigin, júrek toqtaǵan kezde júrek massajyn jáne jasandy tynys alýdy kórsetti. Balalar jaýyngerlik qarýmen tanysty, Kalashnıkov avtomatyn jasaýshy týraly kóptegen qyzyqty aqparat aldy, sondaı-aq ózin-ózi qorǵaý tásilderinde óz kúshterin synap kórdi», - dedi vedomstvodan.

Polıtsııa bólimsheleriniń qyzmetkerlerimen qyzyqty sabaqtardan keıin balalar fýtboldan joldastyq kezdesýler ótkizdi, al úzdik oıynshylar gramotalarmen marapattaldy.