Aqmolalyq badmıntonshylar el chempıony atandy
KÓKShETAÝ. QazAqparat – Aqmola oblysynyń badmıntonshylary el chempıony atandy. Endi aqmolalyqtar aralas, jeke jáne jup boıynsha medaldardy sarapqa salady, dep habarlaıdy QazAqparat tilshisi oblystyq dene shynyqtyrý jáne sport basqarmasyna silteme jasap.
Vedomstvonyń málimetinshe, Şýchınsk qalasynda 2005-2006, 2007 jylǵy sportshylar arasynda badmıntonnan Qazaqstan Respýblıkasynyń chempıonaty ótti. Jarysqa elimizdiń ár óńirinen kelgen 100 jýyq sportshy qatysty.
Badmıntonnan Aqmola oblysynyń bas jattyqtyrýshysy Andreı Shkrobot bul sport eptilik, tózimdilik, jyldamdyqty qajet etedi.
«Bir oıynda sportshylar 15 shaqyrymǵa deıin júgiredi. Sportshy bir mınýtte de bir orynda turmaıdy. Sol sebepti, ol kóp energııany shyǵyndatyn oıyn sanalady», - deıdi A.Shkrobot.
Búgin komandalyq esepte Aqmola oblysynyń qurama komandasy birinshi oryn aldy. Ekinshi jáne úshinshi oryndardy Túrkistan, Batys Qazaqstan jáne Qostanaı oblystary ózara bólisti.
Jas sportshylar aralas, jeke jáne jup boıynsha qarashanyń 24-ne deıin kúsh synasatyn bolady.
«Jarysty tartysty ótti. Qarsylastarymyz óte myqty», - deıdi badmıntonshy Jánel Dúkenova.
